مەديتسينالىق قىزمەتتىڭ تالاپقا ساي كورسەتىلۋىنە جاڭادان بوي كوتەرگەن بەرەكە ىقشام اۋدانىندا تۇراتىن 30 مىڭ ادام ءزارۋ. قازىر ولار وسى ماڭداعى جالپى اۋماعى 150 شارشى مەتردى قۇرايتىن وتباسىلىق ەمحاناعا قارالعانىمەن, ساپالى ەم-دوم الا الماي ءجۇر. اياداي عانا بولمەلەردە كۇن سايىن كەزەك جەتىپ ارتىلادى.
«وتكەن جىلدان باستاپ وتباسىلىق ەمدەۋ ورتالىقتارى اشىلىپ, 3-ءشى جانە 2-ءشى ەمحانالار جانىندا جۇمىس ىستەيدى. “بەرەكە” ىقشام اۋدانى تۇرعىندارىنىڭ ءبىر بولىگى سوڭعى اتالعان مەكەمە قىزمەتىنە جۇگىنگەن. بىراق قاتىناۋدىڭ قيىندىعىنا, جەر شالعايلىعىنا بايلانىستى شاعىمدار كوبەيىپ كەتتى. قازىر ولاردىڭ تۇرعىلىقتى مەكەن-جايلاردا قارالۋىن قاراستىرىپ جاتىرمىز. وسى وزەكتى ماسەلەنى شەشۋ ءۇشىن تاعى ءبىر وتباسىلىق ەمدەۋ نىسانى قولدانىسقا بەرىلەدى», دەيدى دەنساۋلىق ساقتاۋ باسقارماسىنىڭ باسشىسى تيمۋر سۇلتانعازيەۆ.
ول باق وكىلدەرىمەن كەزدەسۋ بارىسىندا قالاداعى ەمدەۋ مەكەمەلەرى بىرىكتىرىلەتىنىن اتاپ ءوتتى. ايتۋىنشا بىلتىر تەرى-ۆەنەرولوگيالىق ديسپانسەر وبلىستىق اۋرۋحانامەن قوسىلعان. وسى ىسپەتتى وڭتايلاندىرۋ بيىل دا جالعاسپاق. جوسپار بويىنشا ونكولوگيالىق, كارديولوگيالىق جانە پەريناتالدىق ورتالىقتار قوسىلادى.
ءوڭىردىڭ باس دارىگەرى رەسۋرستاردى ۇتىمدى پايدالانىلادى, ەڭ باستىسى, كادرلىق الەۋەت, تەحنيكالىق بازا ءتيىمدى جۇمىس ىستەيدى دەگەن سەنىمىن جاسىرمادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
